هــاذي القصة كويتية واقعية (ألم وحزن وغدر وقهر ونسيان وخيانه ) ..قصة ربع يحبون بعض بالدنيا لكن فراقهم لبعض صعب ..ما يقدرون يتحملون الحياة واهما بعيد عن بعض ؟؟الصداقة لها معنى لازم نعيشه معنى الوفا والامانه والصدق والمشاعر ودفئ الاحساس ...
الشــخصـيات :
جـــاسم : (21) سنة ...يدرس في جامعة الكويت تخصصه ..(هندسة ).رفيج فهد ، أعصابه باردة ، شاطر بدراسته ... رياضي ..قــدسـ ـاوي درجة مينونة .
فــهد: (21) سنة... يدرس في جامعة الكويت تخصص هنـــدسة ...رفيج جاسم ، إنسان غامض ..طيب مايشيل على أحد .يحب كل الناس ..ريــاضي .قـ ـدساوي بحت ...متعصب حده ...
البــــــدايـــة :
قعد جاسم من الصبح عشان يروح الجامعة أهوا وفهد لأن كانت أعمارهم ذيج الساعة (18) سنه وكانت أول سنة لهم بالجامعة ، طبعا فهد وجـاسم جيران في منطقة اليرموك ، وصداقتهم أكثر من سنين ومتينة حيل ويحبون بعض أكثر من أخوان ، راحوا الجامعة وكانوا حدهم مستانسين لأن أول محاضرة كانت سهلة وما يدرون أن باجي المحاضرات الله يكون بالعون ، لمن خلصوا من المحاضرة ردوا البيت ،وفي المغرب فهد استلم مكالمة ورد عليها وكانت المكالمة من بنت :
فهد : ألو منو معاي
البنية : ألو هذا تلفون مريم
فهد : لا أختي داقة غلط
البنية : وي ســوري مادري سوري على الإزعاج
فهد : لا عادي حياج
فهد سكر الخط وبعد دقيقة استلم مسج من المتصلة ...تقول : (( ســـوري ولا تزعل مني بس صــوتك جذبني ووداني وطيـرني فوق وسوري عبالي رقم رفيجتي مريومة لكن عكست الارقام مو من قصد ...
المــرسـلة : _* _ *_*
إذا تبي أي شي لا يردك إلا لسانك .. ..
هذا رقمي : ××××××× ))
فهد استغرب وحط التلفون جان يستلم مسج ثاني لمن بطله ولا البنية مثلها والمسج فيه نوع من الغرام والحب ، فهد أخذ الموبايل واتصل عليها وكان يبي يأدبها لكن طاح من صوتها اللي يعذب .
ولمن اتصل ردت عليه وتعرف عليهاوبعد مرور شهورفهد حب البنيه طول مكالماتهم بس يسولفلها عن رفيجه ..جــاسم .. وبعدين سكر الخط وراح عند رفيجه جاسم ، وقعد فهد يقول حق جاسم عن البنية وصوتها ورقتها ودلعها بالكلام ..وفجأة البنية اتصلت على فهد وقالها ان اهوا موجود عند رفيجه جاسم ، لكن البنية طلبت من فهد طلب وبدون ماسمعه قالها موافق والطلب كان أنها تسمع صـوت رفيجه جاسم ولمن سألها ليش تبي تسمع صوته (اختبار أصوات ) وردت باجابة حدها مليقة وقالتله أخاف اللي عندك تكون بنت وعطاها جاسم عشان تكلمه المهم (_ _ _ ) أول ما قالت ألو جاسم ذاب لأن صوتها وايد ناعم ورقيقه حدها ، جــاسم طار عقله ، وقام يحسد فهد عليها :
جاسم : يا حظك أنا أحسدك عليها ...
فهد:..وي يا جسوم تحسد رفيجك أقول إذا تبيها أخذها ما بيها بعدين توقف لي عظمة بلعومي تسمع شنو تقولي ..
جاسم : افا يالفهد انا جذي ، لا ماتوقعتك ،انزين ظبطني بنت خالتها باختها حتى امها ماعندي مشكلة ..
فهد : جسوم بعد عمري انت اطلع شوي بره ابي اكلمها ابي اقولها شي وانت صغير على هذا الحجي .
جاسم : فهيدان انا اعلمك انا صغير ماني طالع وين ماتروح وراك وراك ...ل***ة ..
فهد: اف انت حدك سخيف ومليق تغار من رفيجك ..حتى مابي اكلمها انزين .
جاسم : ليش ..ليش يبا طالعين ..فهود بعد جبدي تكفى ظبطني ..لو بخدامتها
فهد :يبا وين وين رايح تعال اقعد مابي اكلمها يبا بعدين انا مابي العب عليها انا من صجي اتكلم بعدين انت جايف رقعة ويهك ..تلوع الجبد ..
جاسم : منو اللي يلوع الجبد تذكر يوم رحنا لبنان ..وجافتني بنية قالتلي انت احلى من صاحبك ..هاه شو بدك مني ..يابابا انا كتير حلو وبطير .. ياااااااااي
فهد: أقول وائل كفوري فكنا ...
فهد كان يبي يطلع من ديوانية بيت جاسم يبي يروح بيتهم لان فهد وجاسم جيران يبي يكلم امه ..
جاسم:وين وين رايح
فهد : بروح اكلم امي .
جاسم: امك عندنا قاعدة بالصالة مع الوالدة الله يحفظهم ..
فهد: اه اربعة وعشرين ساعة عند بعض ما يملون من بعض
جاسم : هههه شفيك مثلي انا وانت من كنا صغار كله عند بعض وما نمل من بعض بس لايكون تمل مني وانا مادري ؟؟؟ ....
فهد: هههه لا ياجاسم ما مليت منك وانت مال مني ... اكيد بعد البنية راح تمل ...
جاسم : لا يافهد لا تقول جذي انا مامل منك بالعكس انت صرت بالنسبة لي اكثر من اخو وانا اعزك واغليك لِِ ((انا بدونك مااسوى شي)) .. ...لا يافهد انت معزتك عندي اكبر من الكون ماتنوصف
فهد: بعد عمري والله انت العزيز والغالي ...يالله استأذنك ..باجر جامعه لا تنسى ...
جاسم : وانت بعد لاتنسى شي ؟؟؟
فهد: شنو انسى ؟؟؟
جاسم : فهود باجر مباراة القادسية ..ناديك ..يناديك ؟؟
فهد: افا عليك بس ضد منو يلعبون ؟؟
جاسم : ضد الســاحل .؟؟
فهد: ويه عاد الساحل هالموسم ناوي على شي
جاسم : إنشالله نفـــــوز
فهد: إيــــــــه ..
فهد : يالله يالحبيب أستأذن
جاسم : يالله باااااااااااااااااااااااااي
فهد : باياااااااااااااااااااااااااااااااااااااتو
لمن فهد راح البيت نسى موبايله بالديوانية راح جاسم يبي يطفي ليتات الديوانية ولا سمع موبايل فهد رفيجه يرن لمن راح ومسك التليفون جاف اسم البنية *** بس مارد عليه ((بليس قام يلعب براس جاسم )) وقام جاسم وسياف (save) رقم البنية بموبايله لمن طلع من الديوانية وبيده موبايل فهد كان فهد بويهه :
جاسم مرتبك : اوه هلا فهد؟؟
فهد: شفيك مرتبك ؟
جاسم : لا مافيني شي بس نسيت موبايلك؟؟
فهد : ادري انا ياي اخذه ...
جاسم : تفضل ..ترى ***اتصلت عليك بس انا مارديت عليها ..
فهد : ايه مشكور خلاص انا رايح البيت تبي مني شي ..
جاسم : لا سلامتك بس لاتنسى باجر مباراة ((الملكي ))
فهد : لا ماني ناسي
فهد دمعت عيونهـ
جاسم: ليش تبجي
فهد: تذكرت رفيجنا (يعقوب ) اللي مااات بحادث
جاسم: اللهـ يرحمهـ
فهد: آه أهوا قبل كله يروح معانا المباريات الحين انا معاك بروحنا …..دموعي تهون عليكـ
جاسم : لا ، افا والله فهد يبجي وانا موجود
فهد : تسلم حبيبي ، عسى عيني ماتبجيك ...
فهد راح لبيته عشان ينام بس ماكان يدري ان أعز ربعه راح يخونه بعد صداقة دامت اكثر من سنين واكثر مع وحدة ماتسوى ....؟؟؟؟؟؟؟.......
جاسم راح لداره واتصل على الرقم ...رقم البنية ***..
جاسم : الو هذا تلفون ..***؟؟
*** : منو معـــاي ؟
جـاسم : أنا جاسم ؟؟؟!
*** : أي جـــ ؟؟ـــاسم ؟؟!
جاسم : جــاسم رفيج فهد ....!!!
*** : هلا والله أمر شتبي ؟؟
جاسم : ما يآمر عليج عدو بس ....
*** : بس شنو تحجى (فهد ) فيه شي
جاسم : لا مافيه إلا العافية ..
جاسم ضاع عقله وباع رفيجه وضاع عقلهـ وطاع قلبه !!!
*** : أنت شتبي ؟؟
جاسم : لا بس ممكن سؤال
*** : تفضل ..؟؟؟!!!
جاسم : أنتي تحبين فهد ؟؟
*** : شالسؤال أكيد لان فهد شراني ومستحيل أكلم غيره أو أجــوف واحد ثاني إلا إذا باعني....((جذابة ))
جاسم :بس إهوا بايعج من زمان ...
*** : شلون انت شنو قعد تقول ينيت ؟؟
جاسم : لا ماينيت ، انتي من أي عايلة ؟
*** : _ _ _ _
جاسم : اووه هاذي عايلة معروفة عندتا بالكويت ياهلا بنت _ _ _ _ ؟؟؟ وغنية حييييييييييييييييييييل ؟؟؟
*** :أكيد معروفة وغنية ؟؟ وأنت من وين ؟؟
جاسم : لا مابي أقولج عني ابي اقولج عن فهد ..ترى فهد فقيييييييييير حييييييييييييل حيييييييييل وعايلته فقيره حييييييل ياخذون أكلهم الله لايبلينا من الزكاة .. أما أنا من عايلة تمطــر فلوس وذهب .....
لكــــن الصج أن عايلة فهد مو بس جاسم الغني ...
*** : وأنا من منطقة ((الشـــامية ))
جاسم : هذا أنتوا يالبنات تقولون انا من منطقة جنوب السرة ولا من الشامية ولا العدان واليرموك ولا سلوى حق التكانة والتكشخ وبالنهاية تطلعون عقديات وجذابات اذا المنطقة كشخة يعني لازم اهلها تكانة وكشخة مو شرط..
*** : شنو قصدك احنا البنات جذابات لا جذي جرحة مشاعري ترى ما اسمحلك .. واااي منكم يالشباب تغارون من البنات ,,,, أووووووووف ..
جاسم: كيفج تبيني ولا تبين فهد اللي ماراح ينفعج بشي فكــري وطرشيلي مســـج على هذا الرقم أوكـــي ..... انطرج على نـــار وباجــر انطرج بالكوفي: أوكـــــــــي ...
*** : أوكـــي ..بااااااااااااااي
جاسم سكر الخط ... جاسم : والله ماراح أخليك يافهود تشاركني فيها هيهه ((خــاويني وأخاويك أخذ حبيبتك وأخليك ))
*** : والله لاأخليك تندم يا جاسم انك بقتني من فهد اذا ماخليت عايلتكم تندم على الساعة اللي يابتها فيكم ما أكــون ******* وهذا اسمها الصج مو *** .
وفي الساعة 7 الصبح قعد فهد من النوم وشغل المسجلة على أحلى أغنية عنده إهيا ((أهون عليك )) لفرقة ميامي الكويتية ...
ودي أعرف شلون؟.. شلون تقدر على بعدي.......
خليك معاي خليك معاي مقدر أعيش وحدي..وحدي
زادت علي الهــموم كل شي انقلب ضـدي ....
الله ياطـــــول اليوم اليوم الوقت مايعدي ...
ودي أشوفك يمي دايم وأنت صــاحي ولا نايم المحبة القلب صــايم ياهواك وأنت بعيد..
ودي أشوفك يمي دايم وانت صاحي ولا نايم المحبة القلب صايم ياهواك وانت بعيد ...وانت بعيـــــد ...
لا تخليني ... لا تخليييييييني أه لو تدري بعذابي لا تخليـــني ...لاااااا تخليييييني ولا تخليييني أه لو تدري بعذابي لا تخليني ...
بدونك لما انا امشي أطييييح بدونك لما أنا أضحك أصيييييح ....بدونك لمااا آنا امشي أطيييييح ...بدونك والله أصيييييح ..أهون عليك ..أهون عليك يا حبيب أهون عليك ..حرام عليك حرام عليك إذا انا أهون عليك ..ودي أكون دايم بقربك بس أنا اللي في قلبك .. أنا والله موووت أحبك ياهواك ..وأنت الوحيد.أنت الوحيد أنت الوحيد وأنت الوحيديا حبيب أنت الوحيــد..وانت بعيد وأنت بعيد يا حبيب أبقى وحييييييييد..... وحييييييييييييد .........أهون عليك .......
نزلت دموع فهد على أغنيته المفضلة أهــون عليك ((بس بالنهاية منو راح يغنيها بندامة وتحسف وحســرة ))
فهد : اتصل على موبايل جاسم ، جاسم عنده خط ثاني لكن فهد استغرب لان مو من عوايد جاسم يكون عنده خط ثاني بالحزه وحتى لو عنده يرد على فهد ويكلمه ودايما فهد اهوا اللي يصحي جاسم للجامعه لان جــاسم يكون بسابع نومه
جاسم كان يكلم *** لان كان مواعدها
طلع فهد من البيت وبنفس الوقت طلع جاسم :
فهد: جاسم جاسم ...تعـــال
جاسم : ولييييييه هذا شيبي عندي لقاء مع العمر كله والحين يخربه علينا .... نعم هلا الفهد شتبي ..
فهد: جسووم وين رايح تعال نروح الجامعه ورانا محاضرة الساعة تسع ..
جاسم : وانت شكو وين رايح . بعدين المحاضرة الساعة تسع ويييه السنه اليايه ..
فهد استغرب من كلام فهد بالأسلوب هذا لان أول مرة يتكلم معاه وبهالطريقة .. جاسم راح سيارته وبعدين ناداه فهد يبي يذكره بشي...
فهد: جاسم جاسم ..تعال انطر
جاسم: شتبي ...أووووووف ....
فهد: ها نسيت اليوم شنو ؟؟
جاسم : شنو نسيت يعني .... والله انت اللي راح تنسيني عقلي ...
فهد: جسووووم اليوم مباراة القادسية مع الساحل ...
فهد كان يبي يكمل كلامه لكن جاسم حرك سيارته وقال حق فهد كلام يجرح قبل لا يحرك :
جاسم : أووه فكنا عاد يبا صرت عرباوي في شي الله لايوفقك ولا يوفق الأصفر معاك انزين ..
جاسم حرك سيارته رايح للقاء مع حبيبة قلب فهد ، أما فهد دمعاته ماوقفت من عينه واقف بمكانه مستغرب الموقف ..
فجأة طلع أبو جاسم من البيت :
أبو جاسم : فهــود شنو تسوي وين جاسم ..؟؟!..
فهد: لا عمي ما أسوي شي ، جاسم راح الجامعة .
أبو جاسم: أول مرة ما تروحون الجامعة مع بعض ....
فهد:لا عمي اهوا راح يعبي بنزين وراسي يعورني ومالي خلق من ريحة البنزين ..اهوا راح يعبي بنزين ويي ..
أبو جاسم: إيه عمي لا تطول ادخل داخل عشان الشمس وأنت ولدي ... موراسك يعورك ..
فهد: ايه عمي الحين ادخل ...
((الحين جاسم يمرني ههيه جاسم باعني ))
جاسم بالكوفي مع البنية(عيــوز النار).....
جاسم: *** صدقيني طعيني فهد ماراح ينفعج بشي
***: أنا مابي منكم شي بس أنا جفت فهد واهوا جافني شكله ولد نعمة ...
جاسم:يا عمري طيعيني منو تبين ؟؟ الفقير (فهد) اللي راح ياخذ كل يوم منج فلوس ويطمع بحلالج ،ولا الغني (جاسم ) اللي عطيج من حلاله وتتسبحين بالفلوس ...قوليلي الحين ابي منج الجواب يلا
رن موبايل *** ولا فهد متصل عليها
*** : امبيه هذا فهد متصل
جاسم: حقريه وسكري الخط منو تبين يلا قولي ؟
***: أبيك أنت ..أنت وبس
جاسم : شــروطي ؟؟!
***: شنو لك شروط أنت شنو قعد تقول ؟؟
جاسم : عن اللقافه شروطي بسيطة .أنج ماتردين على فهد وماتكلمين غيري ...
***: شنو تشك فيني وبعد هذا من أولها .
جاسم : خليني أكمل ولا كيفج فهيدان راح يستفيد منج مو انتي اللي تستفيدين . حقريه ..أدبيه ..قطعيه ..
***: أوكي في شي ثاني ،قبل لايجوفنا أحد.
جاسم : أوكي روحي طريجج آمان...مادري شعليه خايفه مادري منو يبي يجوفج ...
*** راحت بسرعه حق سيارتها اللي على حساب غيرها مادري خايفه واحد من حبايبها يجوفها مع الحبيب اليديد .
صارت الساعة 12 الظهر كان فهد توى راد من المحاضرة وبطريجه لباب البيت جاسم راد ،فهد راح حق جاسم :
فهد : جاسم وينك في ، ليش ماييت المحاضرة شغلت بالي ؟
جاسم: منو أنت عشان تقولي ((جسووم)) وبعدين وانت شكو وين لا يكون انت أمي عشان تحاتي ..
فهد: جاسم شفيك علي اليوم متغير ..
جاسم : وخر وخر ابي اروح اكلم الحبيبة مشغول بالها علي .
فهد: الحبيبة أي حبيبة ؟
جاسم دخل بيته وعطى فهد طــاف وما عطاه ويه أبدا .
فهد انشغل باله حيييل على رفيجه جسوووم وقعد يفكر طول الوقت وشفيه وليش فهد فجأة قلب وصار عدو بالرغم انهم ولا مرة تزاعلوا وحاجوا بعض بهالطريقة من كانوا صغار ..
صارت الساعة 6 المغرب وفهد اتصل على جاسم عشان مباراة القادسية لكن جاسم عنده خط ثاني .
فهد اطر انه يروح المباراة من غير جاسم وهاذي أول مباراة يروحها من غير جاسم .
فهد راح المباراة وفازت القادسية على الساحل ، بعد مارجع فهد راح حق ديوانية بيت جاسم رفيحه وجيرانهم .وقبل لا يدش اتصل على *** :
فهد: ألو *** ردي علي ... شفيج ....
***: أنت شتبي ؟؟
فهد: شفيج أنتي ورفيجي جسووم مرة وحدة ونفس اليوم قلبتوا علي .
***: جوف أنا الحين حق جاسم ..
فهد: جاسم ، انت شنو قعد تقولين ..
***: شفيك مستغرب .. جاسم ..شراني ...
فهد: متى ...ليش ؟؟..شنو تقولين ..
***: أنا شنو أبي بـواحد فقير مثلك ؟
فهد: منو الفقير ....
*** سكرت الخط بويهه ، فهد استغرب من كـلام *** وراح مسرع لديوانية جاسم بس مسك أعصابه وما حب يزعل رفيجه فوق كل اللي صـار...
فهد: السلام . شلونكم قايز ، هاوأر يو ؟...
وكانوا كل ربع جاسم وفهد قاعدين وعيال الفريج
مشعل ((اللي اهو انا كاتب القصة ))
مشعل : وينك ((فهدوو)) وين كنت ؟؟
جاسم كان يطالع لفهد من غير نفس ..
فهد: كنت بمباراة القادسية))it verey fantastic((
مشعل : ايه الأصفــر ...
جاسم قاطعني .......
جاسم : تفلسف أنت ويهك بالإنجليزي بلا مطرود بره ..بره يالخسيس يالنذل أنت واحد واطي وما تستحي على ويهك ..
كان فهد واقف مصدوم وطاحت دمعه بحراق من عيونه يطالع عيون جاسم ...
واحنا اللي قاعدين بالديوانية ولاحرف ولا كلمة ومصدومين من الموقف ..لان فهد وجاسم ولا مرة تهاوشوا مع بعض كله مع بعض ..لكن الصدمة الكبيرة اللي سمعناه ....
جاسم : أطلع بره ومابي أجوف رقعة ويهك...ياخطاف البنات ....((الصدمة))
مشعل : شالكلام الله يهداك تعوذ من بليس أنتوا ربع وأخوان شالكلام لايلعب ابليس براسكم
فهد: أنا أخطف بنات أنا اللي خطفتها أنا ...حرام عليك ..
جاسم : أطلع بره هذا آخر كلام ولا اتصل عالشرطة وأقولهم أن واحد موشريف معانا .....
طبعا فهد قال كلام بجانا دم
فهد: جاسم مهما تسوي أو تقول عليك بالعافية مابيها لو أنت تعتبرني مو رفيجك عادي عندي لكن أنك تتخلى عني واتخلى عنك هذا من مستحيلات أحلامك ممكن ((أطلع للأبد من حياتك)) بس نتفارق وننسى معنى الصداقة والأيام اللي عشناها مع بعض لا ياجاسم أنت أعز الناس لي وأحلامي ...ليش تخلينا بيد الزمن لعبة ...ليش تتركنا بلحظة نفقد الإحساس ..ليش تخلينا عبرة وتخلينا قصة .... ليش تيب لنفسك عوار الراس والحسرة ...ليش ..ليش ..أنت أناني مابيك تتغيرلا تصير إنسان ثاني مو جاسم لا .. أمسح دموعك نهاية ..نهاية .. أنا طالع..طالع لكن أعرف أنك أعز إنسان عندي .....نهايتنا ...
فهد دموعه ما وقفت واهوا يقول كلماته اللي أثرت علينا وماأثرت على جــاسم فاقد الإحساس ....
مشعل : جاسم أنت شنو سويت هذا فهد أصحى أصحى فهد اللي كان جدامك واللي جرحته ...فهــد
جاسم ماتحجى ولا كلمة واتجه لغرفته يكلم *** ((أم الخراب )) .
فهد في داره منتهي بالدموع والبجي والصـراخ والحســرة وتمنى أن الله ما خلقه وما سمع الكلام من أعز إنسان ....
جاسم لاهي مع الحب المسروق ..***....
فهد يشكي همومه لله والدمـوع ماتوقف كل يوم يتحسف
بعــد مرور سنـــة : 2006
فهد على حاله دمــوع وحسرات على أعز إنسان انخطف منه ومـــات مع قلب فهــد....
أما جــاسم كان يكلم ***:
***: شلونك جاسم
جاسم: بخير وإنتي .....
***:مــو زينة ...
جاسم أفا *** تبجين ومضايقة وأنا مــوجود..((كلمته لاعز ناسه ....فهد لمن يكون متضايق أو زعلان من شي الحين صــارت للإنسان ثــاني بعيد وجذاب ))
***: جســــوم أنا بمشكلة وايد عودة ..
جاسم: ***شفيج شصاير ...
***: في واحد مهددني وطلب مبلغ ($$)وايد عــود..
جاسم: افا عليج جم تبين وأنا حـاضر
***: لا جسومي لا تنسى انا بنت نعمه وأقدر أدفع المبلغ بس تعرف ما أحب أقول للوالد
جاسم: منو هذا اللي يهددج ..؟؟؟...!!!
***: واحــد كله يهددني ...
جاسم : انزيــن شســـم الـــوالد ؟؟
***: هاه ايه اسمه _ _ _
جاسم: هـاذا الاســم موغريب علي
***: مو غريييب
جاسم: ايه هاذا اسم خال فهــد
***توهقت: لا أنت شنو تقول هاذا أبــوي ومعروف بالكويت ... مو تقول فهد فقيــر ...؟؟..!!
جاسم:هاه ايه فقير ,ممكن تشابه أسماء ...
***: ايه جســوم موضوعي
جاسم : ايه خلااص جم تبين ؟؟
***: جسوم الصراحة المبلغ المطلوب ******
جاسم:غالي والطلب رخيــص ....صج غالي بس ما عليه
جـاسم قرر يدفع المبلغ المطلوب من***
أم فهد ولدت ويابت بنت سموها (الكادي)
فهد من كثر حبه لأعـز ربـعه لجــاسم قام ودور معلومات عن *** ، وصدفة لقى معلومات ذهب عنها***
ومعلومــات راح يخدم فيها أعز إنسان لكــن:
فهد راح حق بيتهم ولقى جـاسم بيده مبلغ ماخذه من أبوه
وهــذا كان آخــر كلام بينهم وآخر نصيحة من فهد لجاسم صـديق الطفولة ....
فهد: جــاسم
جاسم: شتبي وليه ، ترى مالي خلق اسمع الأفلام الهندية اللي تسويها ...
فهد:لا فهد اسمع *** اسمها موجذي اسمها الصجي **** واهيا فقيرة وتلعـب على الحبلين ولعبت على وايد شباب وضيعت مستقبلهم وباقت فلوسهم .... ( وقبل لا يكمل فهد كلامه, جاسم عطى فهد طــراق ودزه على الطوفة وهدده:
جاسم: اياني واياك تقول عنها جـذي يالحقير يالخسيس
فهد يحط ايده على خده ودموعه تطيح (دموعه تكسر الخاطر): تطقني :::ليش أنا فهد...لا ياجاسم ..لهدرجة وصلت اني أهون عليك وفوق كل؟؟ ...تطقني ..أنت اللي عزيتك ..طردتني ..قلت ميخالف ..بقت ..قلبي ..قلت موقصده ..سمعت كلام ..جرحني ..قلت بعدين يداويني ..سمعت قلبك يناديني ..لمن ساعدتك ...صديت عني جذبتني ..خليتني أشقي ..تعبت ,..وأنت ..ضايع بدنيا غير ....مهما تسوي وتسوي ...طلبتك (لاتكرهني ..لا تكرهني ...لا تكرهني ....)....(لو تحبني مرة ...أنا أحبك مليون ..مليون ...)
جــاسم تحرك من مكانه وراح ل*** عشان يعطيها فلوسها ...وما اهتم لفهد.. أما فهد ضل واقف ومنصـدم من الطراق وقوته وشلـــــون دزه ويسأل نفسه وين جــاسم القديم ....
بعـــد مــرور سنة : 2007
مثل الحال فهد وجـاسم ما جافوا بعض سنه كاملة أبد والكل يدري أن فهد وجاسم ما يحاجون بعض .....لان فهد ما قالهم ..اما جاسم قال للكل ...
وفــجــأة جاسم استلم مكالمة من ***
جاسم: هلا*** شفيج
***: انســاني ومرة ثانية لاتتصل..على هذا الرقم ...راح ألغيه....
جاسم: أنتي شنو قعد تقولين صج أنج حقيرة
***: أنا ذكية وياما جذبت على شباب وكانوا ضحايا ايدي ...وأنت واحد منهم لاتعب حالك ....تنكرت بخال فهد لان أعرف عايلته غنيه وخليت خاله أبــوي وسخت سمعته ومسحت كرامته بالإرض ....اهوا والعايلة....
جـاسم: صج أنج حقيرة بعت رفيجي عشانج وخذيت من أبوي فلوس عشانج ....حقيـــــرة نذلة وسخة بنت شوارع ,,,ما يسوون جذي الا الهيلغ مثلج ...
سكــرت الخط بويهه ....
لكــــن جــاسم منصدم ونادم ودمعته بعينه لأنه ماسمع أخر نصيحة من رفيجه فهد اللي ماصارله سنه موجايفه ....
جـاسم رجع البيت ونادم وقعد يبجي على اللي صار ...واهوا بالطريج مر من بيت فهد وكانت الساعة 2,30بالليل وأول مرة سيارة فهد موموجودة (ليش ) ووين فهد وشدراه أن فهد أول مرة سيارته مو موجودة ؟؟؟!!!،
تحرك جاسم من جدام بيت فهد وراح بيته لأن فهد مو موجود في بيته .... وراح بيته
جـاسم قعد الفير عشان يروح بيت فهد يسامحه ويتأسف له ....
راح المطبخ وقعد يتريق مع أمه وفتح الجريدة والمفاجأة الكبيــرة أغلى إنسـان في حياته ، بدونه مايسوى شي.... اسم رفيج الدرب والحياة ..؟؟ اسمه بالوفيات ؟....
فهـد مـــات
فهد ***** (20 سنة ) مــات في حادث سيارة
كانت الصدمة كبيرة على ويه جاسم
جاسم: لا ..لا ..تخلييني ..فهد
أم جاسم: يما جاسم شفيك
ما كان لجاسم جواب ...
جاسم:فهد..فهد..؟؟
أم جاسم: يما شياب اسم فهد أنت مومزعله
جاسم كانت بعيونه دمــوع وجــوابه حـزن وهم وغم:
جاسم: يما فهد ,فهد مــاااات ,يما مــــات...
أم فهد انصدمت ...واحضنت ولدها اللي كان يبجي بصراخ ....
وفي الظهـر ...الكل راح بيت أبو فهد عشان يعزيهم بوفاة إنسان ما يعرف الحقد ومايشيل أبد على أحد ...
جاسم بداره يصيح ويبجي ....
والعصـر الكل راح المقبرة عشان يدفنون ((فهد)) ، جاسم راح المقبرة لكن جاسم ماجاف فهد سنة وجـافه جثه ميتة يبون يدفنونه ويحطونه بالقبر؟؟ ، دموع جاسم ماوقفت ولمن يأ يبي يدفنه ويمسكه بدموع دم وندم وقهر ماحس إلا واحد يدزه حيل ويطلعه بره المقبرة اللي دزه وطرده ((أبوه)) أبو جاسم اللي كان منقهر من ولده من التصرف اللي سواه مع فهد :
أبو جاسم: أطلع بره ، يالحقير يالنذل يالواطي ....
جاسم: يبا شفيك ...فهد ماااااات ...
أبوجاسم: أطلع ....
جاسم: يبا أنا ولدك ...مو أنا اللي ذبحته ..
أبو فهد: عين من الله خير يابو جاسم .....
أبو جاسم: أطلع بره أنا متبري منك أنت مو ولدي ..أنت هيلغ ولد شوارع ..يالواطي تطرد رفيجك وتذبحه عشان بنت ابليس يالحقير يالواطي ...
جاسم بدموع عشان موتت فهد وكلام أبوه :
تتبرى مني ..ليش أنا شسويت ..فهد ..ماات بحادث ..كنت أبي أروحله الفير بس ..صار مات بحادث صارله يوم كامل ومحد قالنا بالرغم أنهم جيرانا ...يبا أنا بطلت تلفوني ..لأني كنت مسكره ..تدري جم مسج فهد دازلي قبل لايموت..(12) مسج ..فهد مسامحني ...كان يطلبني أساعده أنقذه لمن كان داخل سيارته بالحادث ....
جاسم ما قدر يكمل كلامه من الحسرة والدموع ...
لكن أبو جاسم ماقدر يتحمل ومسك جاسم وطقه وطرده بره المقبره ....
معقولة جاسم ..ماصلى على رفيجه ..ولا شاركه الجنازة حتى ماجاف رفيجه فهد سنة كاملة ....
بعد مـرور سنة من وفاة ((فهد)): 2008
خلال هذي السنة جاسم متعذب من أبوه ومن وفاة حبيب قلبه فهد بحادث سيارة ....
خلال السنة اللي طافت ...معاناة ...معاناة ..الكل كان يتهم جاسم أنه اهوا اللي قتل ((فهد)) بالرغم أن فهد مات بحادث ....
فهد كان قاعد بالغرفة وكان الرمضان خلص من صلاة العصر ...جاسم أول مرة يصلي فيها كان بعد وفاة رفيجه ((فهد)) ...
أم جاسم نادت جاسم عشان يتفطر بالرغم أن جاسم ولا مرة نزل تحت عشان يتفطـر كله فوق ومايتعشى ويتريق ويتسحر بالرمضان الا بداره وحتى بالايام العادية .. أم جاسم حبت تقرب أبو جاسم لولده جاسم اللي كله بداره وأبوه ظالمه ظلم ...ظلم محد يقدر يتوقعه ...جاسم غصب نزل تحت بعد ماأمه أجبرته أنه ينزل....
بعد مانزل ....
الكل كان قاعد عالطاولة أخـوان جاسم ألا أبوه اللي كان يقرأ قرآ ن بداره ...
كانوا قاعدين على الطاولة ...
مشاري (24) ، ريان (15) ، حنين (19) ،طيف(17)، الجوري (27).... وعياله: بدر (3سنين) وعامر(شهرين).وأم جاسم ...وجاسم قعد معاهم (20) سنة ....
مشاري : جاسم شلونك ؟؟؟..
جاسم ودمعه تنزل من عينه وبصوت مبحوح: ..زين
مشاري : شفيك من مات فهد واحنا ماشفناك ...
جاسم بصراخ ودموع : فهد ما مات فهد حي معاي موجود فهد بداري ينطري ....
الجوري : شفيك جاسم ..فهد راح يصرله سنة ميت ..
جاسم: لا ..لا فهد قعد يدورني ...آه وينك يافهد شوفهم يتشمتون فيني ...
مشاري بصراخ....: احنا تشمت فيك شنو ميانين ..
أم مشاري اللي اهيا أم جاسم: بس خلاص.خلاص الحين بأذن ...ريان نادي أبوج بأذن ...
ريان : أنزين الحين أروح ...
جاسم أول ما سمع أسم أبوه تدوده وكان يبي ينحاش...
مشاري : وين ..وين رايح ..أقعد..
جاسم: يما أنا مو يوعان ..نعسان أبي أنام ...
مشاري مسك جاسم: شنو مو يوعان أنت صايم ولازم تفطـر ...
يأ أبو جاسم اللي كان قلبه حجر وأسود على ولده :
جاف جاسم قاعد على الطاولة وقعد يسولف مع أخته ريان:
أبو مشاري اللي اهو أبوجاسم: أم مشاري طلعيه فوق قبل لا أخليه عليه يوم القيامة .. طلعي ولدج فـوق ..ولد ابليس ...الكافر اليهودي .. القاتل ..
جاسم بدمعة من دم: شنو ماني ولدك ..ليش تغيرت ...انا كافر ....
أبو مشاري رفع ايده للسمى ووجه دعوة لله على جاسم جدام جـاسم اللي وقف منصدم وعينه على أبوه والدموع تنزل من عين جاسم:
أبو مشاري: (( عسى الله ياخذك ونفتك منك ، ومصيرك جهنم قول آ مين ...))
جاسم وقف منصدم ودموعه على خده ..قال كلمة ...وصعد داره بعد دعاء أبوه عليه كان يطالع أبوه بطرف عينه
جاسم: آميـــــــــن .....
أم مشاري : ليش تسوي جذي مع ولدك . بدال ماتخفف عليه وفاة فهد تزيد جروحه حـرام عليك هذا ((ولدك))..
أبو مشاري : خل يولي هذا ولدي كان ولدي وتبريت منه ماعندي ولد واحد غير ((مشاري )) ما عندي .. أذن بسج دموع افطري وانتي ساكته ...هذا كافر مو مسلم عشان يصوم ويصلي .. ذبح رفيجه يبي الله يغفرله ...
بعد الفطور وصلاة المغرب ..جاسم راح صلاة التراويح ..
وقف في الصف الثاني ..جاسم يحب أبوه ولا يوم راح يفكـر أنه يكره أو يحقد عليه يعني ((له قلب على أبوه ))
وقف في الصف الثاني وبعدين لمن قعد يطالع جدام جاف جدامه أبوه وكان وايد مستانس لكن أبوه التفت وجاف وراه جاسم وطلع من المسيد ...جاسم لحق ابوه ومسك ايد ابوه عند الباب
:-جاسم: يبا ..يبا ..انطـر وين رايح,,
أبوه : وخر ايدك..عني ...
جاسم بدموع : أنا كــافر ليش أصلي ..أنت المسلم أنت المفروض تصلي أنا قتلت فهد ,,,, قتلته واهوا حي منعته من الدنيا ......أنا المجرم ..أنا الظالم ..روح صلي روح صلي ...يشهد ربي أن غلاتك عندي أكبر من الكون بعد فهد ...
أبو جاسم ما أهتم لدموع ولده وراح يكمل صلاته ولده فهد اللي اتجه لمقبرة الصليبخات ...رايح يجوف ((قبر)) أعز انسان ...فقده بحادث سيارة ....
جاسم ..اهوا بالسيارة بدموعه : كان يحس بشخص بس منو هذا الشخص ؟ اللي كان يكلمه بالسيارة ....
جاسم : أمانة يا فهد ..طلبتك ..لا تخليني ...طلبتك ..لا ..وحدك تدري منو أنت عندي أنا شفيني.. أمانة قول لعبة وتبي تعذبني ...ليش أحلامنا ..منو يحققها.. أنا بروحي ..أمانة قول شفيني ..أنا بحلم ..أبيك تصحيني ...أمانة خلني قريب ..لا تقول يومك بعد يومي ..تذكر ..يوم كنا نضحك .نبجي ..دمعتنا بنفس الوقت تنزل.. تداويني وأداويك ..ولا مرة زدت جرحي ..أنا اللي زدت جروحك ..وخليتك و ما داويتك..تركتك ..بروحك ..وفجأة خسرتك ..؟؟ بشنو بحادث سيارة ..ليش ..ومنو السبب ؟؟...
((ليش.. ما دري ، بس السبب أنا ))
جاسم ماكان له حل غير الدموع ويحس بصوت فهد حواليه ...ودموعه ,,(خلاص) ....
نزل جاسم من السيارة وراح لقبر أعز انسان .....
((فهد ….جاسم انهار ..طاح على القبر دموع وحسرة وندم ((تدرون ليش ))؟؟؟
لان أول مرة يروح المقبرة ويجوف قبر ((فهد)) تمنى أنه يكون قبره ...تمنى الارض تنشق وتاخذه مع اعز انسان..وأغلى بشر ..رفيج الدرب ..أخو أحَضان ..حبيب القلب ...عزيز وغالي ..أمير الحب ..ويزيد الشوق والحنان ....آه ..
جاسم ودموعه تطيح على قبرفهد : آه يافهد ..ليش تخليني ليش ...خليتني ..بروحي..الكل تاهمني...أنا ذبحتك ...بيدي ...صرنا بالزمن لعبة ...تركنا الحب ..وينه ..أنا أهون عليك...حرام اذا أنا أهون عليك ...ودي أكـون دايم بقربك ..بس أنا اللي بقلبك ..أنا والله موووووووت أحبك ياهواك ,انت بعيد....فهد رد لا تعذبني ..أبيك تكون دايم بقربي ...تواسيني ...تفهمني ...آه العيد ياي ..شاركني ..وعيد ميلادك ..آآآآآهـ ..شنو أسوي ..تصدق يافهد هذا أول عيد ميلاد لك ما أحتفل وياك ...آه حس فيني الحين راح يصيرلك ((سنة )) ...ميت ... حس فيني ..أنا حسيت بذنبي ....والله إني حسيت .. تدري ..أبوي ..تبرى مني ..ما يعطيني فلوس ...والجامعه طردتني من كثرة الغياب .. مالي أحد بهالدنيا ؟(غيرك)اشكيله همي ...تدري أبوك ..قام ..يعطف ..فوق كل اللي سويته ...لمن يناديني ...يناديني ...((أبو فهد)) تذكر هذي أمنيتنا ..لمن كنا صغار ..لمن كانوا ينادوني ((أبو محمد )) أزعل أقول ولدي اسمه ((فهد)) اسمه على أعز انسان عندي ..وانت (تنزل دموع فهد بحرارة ويبتسم) تذكـر يوم يقولك وانت يا فهد شتسمي ولدك قلت اسميه على ((جاسم)) أخوي ورفيجي وأمي وأبوي ...فقدتك ..فقدتك ...آه ..آه ..
جاسم ما كان يقدر يشكي لاحد ويسمعه غير رفيجه ..فهد,,..
جاسم كان كل مايروح مكان يتذكر فهد فيه إذا راح مباراة حق القادسية مايكون عقله بالمباراة بس يفكر بفهد ويتذكر شلوون إهوا وفهد لمن تفوز القادسية شلوون يحتفلون ولمن تخسر شلوون يزعلون ويخففون عن بعض يكون قاعد بالمدرج بروحه بعيد عن الجماهير عازل نفسه ولمن يركب الطراد الفير يحط المينيبولي اللعبه اللي دايما اذا راحوا الطراد يلعبونها ويحطها ويقعد مكانه بهدوووء ويطالع ويسرح ويتذكر شلوون كانوا يلعبون بالطراد ولمن قطون نفسهم بالبحر ولمن يرووح المطعم يطلب الوجبه وما ياكلها بس يتذكر أيامه مع فهد تخيلوا جاسم من كثر حبه لفهد يوم من الايام بالبرد نام على قبر فهد وحس بالدفا وبأن الجو كان بارد
# وفي اليوم الثاني# :
ريان: يما ..يما ..
: ها ..ريان شفيج :أم مشارييج ..؟؟ ..
:ريان : جاسم بالحمام مو راضي يبطل الباب ويهدد نفسه ...
أم مشاري : أنتي شنو قعد تقولين ..
راحت أم مشاري لحمام ..جاسم ..وريان راحت نادت حنين ومشاري ...
أم مشاري : يما جاسم لا تسوي بنفسك جذي بطل الباب ..أنا مومتك اذا رحت من لي غيرك ..
جاسم (يبجي): خلوني .خلوني ..أكرهكم (جاسم قالها مومن قلبه )
مشاري : جسوم بطل الباب احسلك ...
جاسم: وانت شتبي ياولد أبوك ..أطلعوا برى وخروا لا انتحـر وانهي حياتكم معاي ؟؟,,؟؟
ريان : جاسم ..فهد مات ..والله يرحمه لاتعذب نفسك ..جذي ...
جاسم (يبجي): فهد ما مات ..مامات ..(انشاء الله أنتوا تموتون ..) ...أنتوا كلكم ..
أبومشاري سمع الصراخ ويأ :
أبو مشاري : شالسالفة ..شفيكم ..صراخكم واصل لأخر الشارع ...
أم مشاري : يا أبو مشاري ..الله يخليك ..جاسم مقفل عليه باب الحمام ..وأخااف يسوي بنفسه شي ..
أبو مشاري : أحسن ..
أم مشاري : ياأبو مشاري صارله ساعة داخل الحمام ...
أبو مشاري : أحســــن ..((عسالله ياخذه ,,ويركبه بليس واهو بالحمام ..ويموت داخل ولا يطلــع ))
جــاسم طاح على باب الحمام وقعد يبجي بحزن ودموع
جاسم: اسمليش تدعي علي بالموت ليش انا شسويت لمتى بنطر لمتى وباجر العيد ليش يافهد والله تعبت والله حس فيني أمانة حس ليش أبوي يعاملني جذي ليش تدري أن الزمن لعبة اليوم تحب باجر تكره ..اليوم تحيا باجر تموت ..فقدتك واالله حس فيني ...
تدري ليش أنا حزيــن آه وآه باجر العيد أتذكر قبل معاك ..شلــوووووووووووووووووووون ؟؟؟
طلعوا أخــوان جاسم ....
جاسم:آآآآآآآآآآآآآآآآآآآآآآآآآآآآآآه لو أنا الميت مو أنت يا فهــد...
أنا اللي طعنتك ..خدعتك ..ظلمتك..قهرتك..و....قتلتك..
في اليوم الثاني:
جاسم قعد من النوم بعد ما كان يبجي ...
جاسم:اليوم عيد يا فهد ..وينــــك؟
جاسم طالع الدريشه ولا أبوه رايح المسيد عشان صلاة العيد..
جاسم:ودي أروح بس..آه يالفهد تذكر قبل ....أيام حلوة بالعيــد صــح..
نزلت دمعة جاسم...وإهوا يتذكــر رفيج دربه وعمره اللي تركه بروحه ((فهــد))..
راح جاسم المقبرة وبالتحديد قبر (فهد)...
جاسم:فهد ...عيدك مب..ارك ...آه مشتاقلك وايد..اليوم عيد..تذكر قبل لمن كنا نيمع عيادي وايد..أيام حلوة وراحت..تذكر لمن كان عمرنا 18 يعني صرنا رياييل كنا نوزع عاليهال عيادي جدام الكبار..ووراهم ناخذهم وناخذ منهم زياده بعد..تذكر بصلاة العيد نروح نصلي مع العايله يميع ..تذكر ..راحت هالايام ...راحت (تنزل دموع جاسم بحرارة على قبر فهد...)...وينك عني ..وينك عني....وينــــك؟؟؟!!
في بيت جـــاسم(أم مشاري)
أم فهد:عيدج مبارك يا أم مشاري ..
أم مشاري: أيامج سعيدة يا أم فهـد..
أم فهد: شلونج وشخبار الرمضان معاج..إنشالله خير..
أم مشاري :والله ماشي الحال تمام ،وأنتي..
أم فهد: الرمضان عندي..من عقب فهد ،بأي عين أجوف ،وبأي دنيا أعيش ،وليش أفرح وأقــول..
أم مشاري: وسعي بالج شفيج..الله يرحمه ..أدعيله ..هذا عيد لا تبجين وتنكدين دنياج ..الولد مات والله يرحمه ..تراهو عند ربه ..
أم فهد ودموعه تنزل: الله يرحمك يا فهد ..((إنا لله وإنا إليه راجعون))..
في ديوانية أبـــو مشاري(جاسم)..
أبو فهد: ها ياأبو مشاري وين جسووم ، مايبي عيدية ،ما يبي يعايدنا ..شنــو للحينه نايم ...
أبو مشاري بكراهيه: لا مو نايم سيارته مو موجودة ..مادري وينه ..عساه يروح وما يرد؟؟
أبو فهد:: أفا يا أبو مشاري للحينك حاقد على ولدك ..لييش ..فهد الله كاتبله يموت ..بحادث..جاسم ما سوى شي حرام عليك هذا ولدك ..رحمه ..شلوون تبيه يرحمك باجر ..
أبو مشاري: الله لا يعوزني له..بو فهد الله يخليك ماكو اب بالدنيا يكره عياله وانا ما اكرهه بس ليش جذب علي وقال الفلوس حقه وطلعت حق وحدة انا ما اكره جاسم بس لازم أخليه يحس ويتوب .
جاسم رجع البيت ولمن نزل من السيارة ياه ولد فريجهم(عمر 9 سنين)..
عمر: جاسم ..جاسم..
جاسم: ها عمور شتبي ..في شي ..ترى مالي خلق..وإذا عالعيديه ترى ما عندي تعال بعدين .محفوظه عيديتك..
عمر: شفيك جاسم ،لا أنا أبي أقولك شي ، كنت بديوانية بيتكم....
وعمر قال حق جاسم كل شي وشنو ابوه قال عنه..
جاسم: أنت من صجك تتحجى ولا قعد تألف مسلسل من عندك ..قوول الصج..
عمر: والله إذا مو مصدقني أيبلك أحمد ولد خالي كان قاعد معاي وسأله ..
جاسم بحزن: لا ما يحتاي صدقتك ..آه .ومرة ثانيه لا تقعد عند الرياييل اللي أكبر منك وتسمع سوالفهم عييب..
عمر: أنزين .. خلاااص..
((... حيــــاتي وينجاسم : ...))
جاسم حزن لكلمة أبوه ...قعد يفكر معقولة أبو يكره ولده ومعقولة ابوي ما يكرهني شلووون؟،بعد ما كان جاسم الهوا اللي أبو يتنفسه،اللي ما يقدر أبوه يستغني عنه لحظة وحده ....، نزلت من عينه دمعة تذكر كل لحظة عاشها مع أبوه مع أحن أبو ...آه دمعاتك يا جاسم دمعة تكسر الخاطر ...
دخل جاسم البيت عند أمه ..
جاسم : الســــلام ...عيدكم مبارك ..؟؟.!
الجميع:أيامك سعيدة ..
ريان : جسوم يلا وين عيديتي ؟
جاسم: رايانو ، ترى مالي خلق ..ممكن تذلفين عن ويهي؟
ريان : هيـــن ، مابي منك ..مشمش ما يقصر؟
جاسم: مشاري طول عمره حافي ومنتف ..وكله يتسلف ..
جاسم قعد عند أمه وكانوا الحريم قاعدين ..وفجأة طاحت عينه على أم فهد:
أم فهد: شلونك جاسم ..شخبارك؟
جاسم: بخيروأنتي خالتي .؟؟..شلونج ولمن جاف الكادي ...وشلون الكادي؟
أم فهد : بخير والكادي بعد ؟؟ها شلونك مع الدراسة؟؟
جاسم والعبرة خانقته:تركتها ؟؟
الكل كان منصدم معقــــوووولة جاسم الشاطر كره الدراسة وتركها ؟؟
جاسم: أبــــو...
أم مشاري أمه تقاطعه : جاسم خلاص ما يبي يكمل دراسته لكن أبو مشاري نصحه وقاله كمل دراستك بس جاسم عنيد وعاند أبوه وما يبي يكمل ..
أم فهد: لا يا جاسم ليش جذي ما راح ينفعك شي غير دراستك ولا وين تبي تشتغل قاعد جذي لا شغل ولا مشغلة .....
جاسم: مادري ، يلا ما عليه غيروا سالفة الدراسة ...
جاسم طالع (شهد=18 ) بنت خالته :
جاسم:ها شهد شلونج....
شهد: زينة وانت؟
جاسم:دوووم انشالله ،(بحزن)زيـــن ....
شهد:تسلم
تتدخل (عبير=18)بنت عمة شهد ...
عبير: والله وكبرت يا جاسم..
جاسم: ها ...أكيد أكبر ليش جايفتني يهال وأنتي والشلة اللي قاعدة عندج ؟.....
كان قاعد عند عبير=شهد_نور_ريان_شوق_نوف.
عبير: يعني صرت ريال تتحرش فينا يلا يلا روح صوب اللي مثل مستواك..
جاسم بعصبية: منو مثل مستواي ؟ها ؟ أمثالج حبيبتي ؟
عبير تتحرش:يلا يلا صوب بدر ولد الجوري يلا أقلب ويهك..
جاسم: جوفي مالي خلق أرد عليج أوكي توني ياي من المقبرة ..
عبير :ههههههههه شنو تسوي هناك تحفر قبور ولا تغسل موتى ؟
ريان تدز عبير :أنتي شفيج ...جاسم كان عند قبر فهد فهمتي ..
عبير :وي مادري ..
جاسم حقر عبير وراح للمطبخ:
عبير تلحق جاسم....
عبير: جاسم،جاسم..
جاسم: هلا عبير في بعد نغزة نسيتي تقطينها علي .؟؟؟؟..
عبير: لا والله ، بس أنا آسفة ، وأوعدك إني ما أعيدها مرة ثانية توبة ،حلفت ؟؟
جاسم: على شنووووووووو؟؟؟
عبير: لاني تطنزت عليك ، بس والله مو قصدي ..
جاسم: ماعليه ..
عبير: أنت شايل علي ؟
جاسم : لا ليش أشيل عليج ؟؟
عبير: صج أنت أول ما دخلت ما سلمت علي بس على شهدو ها ليش شنو علاقتك فيها ؟؟
جاسم : ههههههههه يا معودة ، يمكن أنتي اللي شايلة بقلبج علي ؟
عبير : لا بس شنو ؟ وليش ؟ لا تنحاش من السؤال ؟
جاسم: حرام عليج .أنا أمس جايفج ؟وجايف الكل بس مو جفت شهد من زمان حرام عليج كل هذا بقلبج شايلته علي ؟
عبير: ههههههههههههه ، يلا ما عليه..
جاسم كان سرحان يتذكر رفيجه فهد وفجأة نزلت دمعة :
عبير جافت الدمعة :
لكن درت هالدمعة فيها ذكرياته مع فهد ..
عبير طلعت من المطبخ ولا جنه شي صار وقعدت عند ريان وشهد:
ريان: شعندج مع أخوي ، شنو السر : قولي
عبير بضيق: ما في شي ؟
شهد: شفيج حزينه ودمعتج بعينج ؟
عبير: منو قال ؟
عبير ما قدرت تمسك دمعتها وطاحت دمعتها ....
شهد تاخذ ريان بعيد عن عبير ؟
شهد: ريان شفيها عبير ، جاسم قالها شي زعلها ..
ريان : لا جاسم ما يزعل أحد بس يمكن..
شهد: يمكن ، شنو خرعتيني ؟
ريان : بدخل المطبخ ولا جنه شي صار ...وابي أجوف جسوم شنو يسوي ؟؟؟؟
شهد : إهوا دخل المطبخ؟
ريان : ايه داخل المطبخ نطري
ريان تدخل المطبخ عشان تجوف جاسم شنو يسوي داخل ..
جاسم جاف ريان ومسح دموعه :
جاسم: شنو تسوين هني
ريان: أنت شنو تسوي هني؟
جاسم بعصبية: مالج شغل وطلعي برى ؟
ريان : خالتي تبي ماي؟
جاسم: أي خالة هاذي تبي ماي ؟
ريان: حنان(أم فهد)..؟؟؟...
جاسم: أخذي الماي ويلا طلعي برى؟
ريان : كيفك .أنت المفروض برى ؟
جاسم يصرخ بويه ريان: ريان . وبعدين معاج ليش لسانج وسخ وقذر جذي ..
ريان كانت تطالعه وكانت تبي تبجي لان أول مرة يصرخ بويها : مافي شي ؟؟
جاسم: كل هاذا ماي أنتي شناوية عليه ..
أم فهد تدخل ومعاها الكادي :
جاسم: هلا خالتي بغيتي شي؟
أظم فهد : أي والله أبي ماي...
جاسم: هاذي ريان قالت....أنتي كنتي طالبة منها ماي؟
أم فهد: لا والله ما طلبت منها ؟ ليش؟
جاسم يطالع ريان بنظرات شريرة لا والله مافي شي ..وفجأة لمحت عينه الجازي أخت فهد...
جاسم بجى ومسح دمعته بسرعة عشان محد يلاحظه قعد يعاتب نفسه:
((أنا اللي حرمتج من أخوج فهد ، اللي كان يحبج وما يقدر يستغني عنج لحظه وحدة آه يا فهد حرمتك من كل شي ، حرمتك من حياتك ، يارب ملييييييييييييت ..وينك يا فهد عني وينك ؟؟((حياتي ويـــــن )) عنـــك؟؟
ريان: جاسم شفيك سرحت تفكر بمنو؟..
جاسم: ها لا ما في شي ويشاورها بصوت واطي : حسابي معاج بعدين...
أم فهد: ريان ..ممكن تاخذين الكادي وتروحين معاها الصالة ..
ريان : انشالله ...
خذت ريان ..الكادي وراحت معاها الصالة ..مافي أحد بالمطبخ غير جاسم وأم فهد..
جاسم توهق وخاف...
أم فهد: جاسم..
جاسم متدوده : هلا ....خــ....خالتي
أم فهد:أبي أقعد معاك شوي بموضوع ؟ممكن؟
جاسم مخترع:ها،أي موضــوع؟ تفضلي؟
أم فهد: الموضوع يتكلم عنك وعن المرحوم (فهد)..
جاسم يبجي: خالتي والله ماسويتله شي ؟ليش يعاملوني جذي ؟ ليش؟والله مو أنا ذبحته ؟والله؟
أم فهد بجت مع جاسم:
أم فهد: خلاص يا جاسم قطعت قلبي ..بس حبيت أقولك أن فهد من مات ما بطلت داره وكل غراضه موجودة ..وانت يا جاسم أول واحد يدخل داره بعد وفاته ..
جاسم: لا يا خالتي .. مابي ..مابي ..
أم فهد: ليش يا جاسم ليش .فهد مو زعلان منك ويحبك ومستحيل أدخلها قبلك هذا فهد اللي كان ما يقدر يستغني عنك أو يبيعك اللي فضلك أكثر من أمه وأبوه..
جاسم : انشالله أفكر ، أفكر ..خالتي والله خايف..
أم فهد: أفا يا وليدي ما هقيتك جذي ..ليش خايف مافي شي يخوف ..
جاسم: لا ...مادري ..بعدين أفكــر؟؟..
ام فهد: خـــلاص متى ما تبي ..ترى بو فهد رفض ادخلها قبلكـ يا جاسم لان فيها ريحة المرحوم من ماات
جاسم: إنشاللهـ
ام فهد من المطبخ وجاسم حزين آهـ
وبعد مرور شهر جـــاسم عالحال اللي اهوا فيه ما تغير شي
حياتهـ للحيــن عذاب دموع وحسرات وندم تخيل الموقف لو أنت مكـآن جاسم شنو موقفك لا آكثر منه ولا أقل منه ..؟؟..
أم مشاري : يا أبو مشاري ..ولدك هاذا حس فيه اذا انت ما حسيت فيه منو يحس فيه؟
أبو مشاري: أنا حاس فيه وهاذا ولدي وانا ما سويت جذي فيه الا عشان يكون عنده احساس ويتعلم .
أم مشاري: حرام عليك الولد صار فيه نفسية عذبته حس فيه حرام عليكـ ؟؟..
جاســــــــم راح بيت فهد :
جاسم طق الباب :
الخدامه: نعم ..منو يبي .
جاسم: ماما ويـــن ؟
الخدامه: موجود منو يقول ؟
جاسم: قولي جاسم بره ..
الخدامه: انزين ..لحظـــــهـ ..
وبعد لحظــات :
أم فهد: جاسم تعال يما ادخل واقف بره ليش ؟ البيت بيتك؟
جاسم : خالتي فكرت بالموضوع بــس؟
أم فهد: يا جاسم فهد يحبك ويحبك أكثر من أمه وأبوه .
جاسم: آه خالتي أنتي جايفه جذي ..؟؟..
أم فهد: جــــاسم تعــــال .
صعدوا الدري وراحوا الغرفة أم فهد افتحت باب الغرفة :
جـاسم دخل الغرفه (مصدووووم)
مععقوله هاذي غرفة فهد ..معقوله بكل مكان صورنا بكل مكان بالغرفه ..معقوله ريحة فهد للحين معقوووووووله كل شي موجوود كل ذكرياتنا هني ..
دمووووووووع جاسم يمكن كانت تعبر عن الموقف موقف حزين دمووع جاسم تكسر الخاطر وفجأة لمحت عيونه صورة:
جـاسم تذكر الموقف اللي بالصورة :
موقف تخرجهم من الثانويه:
فهد: جاسم آنا نجحت نجحت وأنت ؟ قوول جفت نتيجتك؟
جاسم : إيه ناجح
فهد: نسبتي ما تسمحلي أدخل طب أبي أدخل هندسه وانت ؟
جاسم: آنــا معـــاكــ وين ما تروح ..معـــاك ؟؟
فهد: ههههه حتى لو أمــوووت معـــأي ؟
جاسم: هههههه الله لا يقولها يومي قبل يومك عمرك طويل انشالله
وجاسم طالع صوره ثانيه إهوا وفهد بالشاليه :
هاذي الصورة لها ذكرى خاصة لأن يوم كانوا بالشاليه كان عيد ميلاد (فهد ) شلووووووووون ؟ وينك ؟ ليش؟
وصـــ ــــور تذكره بأشيـــــاء وأشيــــاء ..
وجاسم بطل درج (الكوميدينا) مال فهد لقى دفتر ذكريات :
((شلوووووووووووووووووووون))
كل كلمة كل حرف دار بينهم مكتوب بذكريات فهد ليش :
طاحت من الدفتر صورة فهد مع جاسم آخر صورة بينهم :
كل صورة تعبر عن موقف فهد مع جاسم فهد محتفظ فيها
جاسم يبجي رفيج دربه بعيد عنه يعني خلااااااااص (ماااااااات)
جاسم يبجي: آآآآآآآآه لييييييش ليش فهد ليش ليش (حياتي وين ) عنك ليش رحت بعيد ليش خليتني بعيد عنك ليش ليش آآآآآآآه
واهوا يقرأ الذكرياات فتح صفحة جااافه ، بس هاذي الصفحة مو مكبوب عليها ماي هاذي الصفحة كانت مبللة من دمووووع (فهد) ليش دموعه كانت عالصفحة اللي لمن جاسم طرد فهد من الديوانية (آآآآه)
عــــــــذااااااب ....ألــــــــم ..جـــروووح ...
جاسم قعد يبجي واهوا يقرا كلااام فهد :
فهد كان كاتب كلام حق جاسم جنه يدري انه يوم من الايام راح يفارق الحياة ويرووح بعيد عن الدنيا :
فهــــد:
(( جـاسم أدري أن الله إذا كاتبلنا شي راح يصير لكن ابيك تدري أن كل موقف صار بينا مكتوب ،كل شي وكل موقف له صورة وإن كان بعض المواقف مالهاصورة فلها ذكرى خاصة نحتفظ فيها بالقلب ولا بالعقل تأكد إذا أنت كنت تكرهني فأنا مستحيل أكرهك مستحيل وتأكد إذا أنا فارقت الحياة أبيك تحتفظ بذكريااتي أبيك تعرف إني مت وأنا راضي عليك مستحيل أزعل من (أخووي) مستحيل صدقني أنا أحبك وأمووت فيك أنت الروح بالنسبة لي وأنت أكثر من أخووووو...ووصيتي لك دير بالك علي أختي الوحيدة وأنت أخووي الوحيد أعتبرها أختك وأبيك تربيها وأبيك تحافظ على صلاتك فاهيا نور دنيتك واهيا طريجك للجنه أهم شي يكون ربك راضي عنك وعن اللي تسويه أبيك تتزوج وأول ولد تيبه تسميه(فهـد) يا بو فهد أبيك تعيش حياتك وتستقر صدقني يا خووي اذا عشت دنياك لحظه وحده سعيد راح تعرف باجي حياتك حزينه أنت ما خنتني أنت انقذتني ووجهتني على الطريج الصح أنت الوحيــد اللي لك معزه وغلاة عندي ...مابيك تنساني ...أهم شي تكـون راضي عني مدام اني راضي عنك؟؟..جـــاسم ...آنـــا أحبكـ وأمووت فيك..))
مـــــــن رفيجك وأخووك ..فهــد ..
نهـــاية الرســالة.
كل شي موجود داخل غرفة فهد كل شي فهد راضي عن جاسم ووصية فهد لجاسم أخته وحياته الخاصة والصلاة ....
معقوووووووولة جاسم مصدوووووم ؟ ليش؟
جاسم توقع فهد ناسي كل شي بس الغرفة عطت معنى الوفا والأمانه والصداقه لجاسم عن فهــد
جاسم تعلم من الحياة وايد أشياء وتعذب وتاب وتوجه على طريج الصلاة نعم هاذي الدنيا خيانه وغدر ونسيان ...
شنو راح يصير بحياة جاسم) ليش كلمته (حياتي وين )
هاذي كلمته تدل أن حياته بدون فهد ضايع جاسم ما جفت دمووعه كل يوم يبجي وكل يوم يصرخ كل يوم تزيد جروحه كل يوم يتعذب أكثر، (أهون عليك) جاسم بالنهاية يغنيها لفهد ...
دنيا....حسااااافه ...
جاسم تمنى أنه يمووت وفهد يعيش لكن كلمة فهد :
(( اللي الله كاتبه لنا راح يصير))
إذا سألتوني منو أنا ..أنا مشعل اللي بالديوانيه ولد خال جاسم
أقرب شخص لفهد وجاسم ..ذكريات فهد اهيا اللي دلتني على كل شي ...وفهد كان قبل لايموت يدز مسجات لمن كان داخل السيارة محشوور ماكان راضي يطلع ويطلب من جاسم مساعدته لكن للأسف جهاز جاسم مغلق .قبل لايدري جاسم أن فهد مات لمن رد البيت وجاف سيارة فهد أول مره مو موجوده لأن كان لجاسم قلب على رفيجهـ فهـــــد
جاسم ظل حاضن الذكريااات بهدوووء ودموعه تنزل بحراره .
دخلت أم فهد
